HUMARHÚSIÐ

Gómsæt Matargerð og Stórkostlegir Réttir.

Ef þú villt njóta dásemdar franskrar matargerðar með norrænu ívafi, þá er Humarhúsið rétti staðurinn fyrir þig. Humarinn okkar, íslenski humarinn, er vel þekktur fyrir sitt frábæra bragð og er einn af okkar vinsælustu réttum. Að borða á humarhúsinu er svo sannarlega upplifun full af hlýju og sögu.

Humarhúsið býður upp á sæti fyrir yfir sjötíu manns, og er einnnig með minni veislusali fyrir smærri hópa.

humarhúsið

Hús sem á sér sögu - bjargað af hippunum

HUMARHÚSIÐ var reist árið 1838 af Stefáni Gunnlaugsyni, land- og bæjarfógeta, og er það staðsett á Bernhöftstorfu í miðbæ Reykjavíkur. Húsið hýsti fræg íslensk skáld eins og Hannes Hafstein og Stefán Thorarensen.

Um 1970 voru hús á Bernhöftstorfu rýmd, enda þá ráðgert að þau yrðu rifin og þar reist stjórnarráðshús. Áður en þetta gerðist var hins vegar hafin barátta fyrir varðveislu húsanna. Hún stóð yfir um áratug, en á meðan níddust húsin niður og hluti þeirra varð eldi að bráð. Í þessu húsi kom upp eldur þrisvar á tímabilinu.

Þessari baráttu lauk þó með sigri varðveislumanna, því seinast á árinu 1979 leigði ríkið Torfusamtökunum húsin vegna endurbyggingu og með varðveislumarkmiði. Þar í framhaldi var Amtmannsstígur 1 framleigður og endurreisn hafin. Árangur af því starfi blasir við gestum, sem hingað koma.